تجربة سيارت كابريس2007

بصراحة سيارة روعة بكل معنى الكلمة وتغيير الشكل بصراحة كامل ما احس فيها شبه بالشكل السابق ابدا ، ومن وجهة نظري انها تغيرت للافضل وتحسنت الجودة بشكل كبير جدا من الداخل والخارج
السلام عليكم ورحمة الله وبركاته

بسم الله الرحمن الرحيم


سيارتنا اللي بنجربها اليوم هي كابرس اس اس الجديدة

التجربة تمت مع اخوية CROWER هوه اللي جاب السيارة


ملاحظات قبل ما ابدأ :

_ التجربة تمت بسرعة ما صورت وايد صور
_ خبرتي تعبانه بالتصوير اسمحولي
_ ما اعرف ارتب مواضيع بصراحة بس بحاول


معلومات عن السيارة : العداد وقت التجربة 1030 كم
السيارة سيارة شخصية وليست سيارة تجارب من الوكالة
السعر : 130 الف درهم تقريبا

البداية:
بصراحة سيارة روعة بكل معنى الكلمة وتغيير الشكل بصراحة كامل ما احس فيها شبه بالشكل السابق ابدا
ومن وجهة نظري انها تغيرت للافضل وتحسنت الجودة بشكل كبير جدا من الداخل والخارج

المحرك تغير فالموديل الجديد وصار 6.0 ليتر بقوة 360 حصان (تقريبا)

الشكل:
بصراحة اول ما شفت صورة السيارة عالنت ما دخلت مزاجي
بس عالطبيعة حلوة بصراحة وافضلها بمراحل عالجيل السابق
من ناحية الحجم احس بها صغرت عن قبل وراح عنها الشكل الصابوني
المقدمة جميلة جدا وتوزيع الانوار جدا ممتاز
الخلفية ما اعرف كيف اوصفها , صغيرة لكن حلوة بعد احس فيها شبه من سيارة اوبل ما اذكر اسمها

بشكل عام السيارة فالصور مقبول شكلها لكن عالطبيعة حلوة (رأيي الشخصي روعة)


المحرك والقوة:
المحرك نفس ما تعرفون هوه V8 6.0L 360hp (المحرك السابق 5.7 325 حصان)
المحرك بصراحة ممتاز جدا بس العيب الكبير فالقير اللي ما تغير (4 غيار) مع انه فالصور شفنا تبترونك وقالوا 6 غيار
وفيه زر Sport Shift يخلي تبديلات القير خشنة وحق سباق وبصراحة تحس بالفرق
بصراحة ما سقت الموديل القديم علشان احكم عالفرق لكن جربناها مع سيارتين
فورد موستنغ الجديد اوتو + نيسان Z350 اوتو
بصراحة طافهم وهو مرتاح الكابرس وحتى اذا دعسوا قدامه يلحقهم ويطوفهم ما توقعناه لهذي الدرجة يمشي

بس لو كان 6 غيار اتوقع كان بيفرق بشكل كبير فالتسارع
السيارة طبعا محددة سرعتها 250 كم

الداخلية:
ما توقعت بصراحة جودة الجي ام ترتفع بالشكل الكبير اللي شفته فالكابرس الجديد
مقارنة بالقديم اعطيه تحسن بنسبة 60% فالجودة الداخلية
تحسن كل شي مكانه حلو ومرتب وتوزيعه حلو

احلى شي بصراحة عجبني تصميم المقود رياضي جدا وشكله جميل

الشاشة من صنع شركة Blaupunkt وفيها نظام ملاحة لكن ما شغلته بصراحة
وفيها وصلة Ipod بعد

الكراسي مريحة جدا بالنسبة لي
الكراسي الخلفية مريحة وفيها مساحة كبيرة للأرجل نفس الكابرس السابق تقريبا
الصندوق الخلفي ضخم جدا وبصراحة انصدمت يوم شفته (فالصورة ما يبين بس عالطبيعة بصراحة خيالي)


الايجابيات :
بصراحة السيارة وايد عجبتني من كل النواحي وفيها ايجابيات كثيرة
+ ثابتة جدا فالشارع
+ قوية ومحركها ممتاز
+وايد بصراحة اشياء حلوة ما اقدر اعددها
+صرفيتها ممتازة على انه الخزان صغير تقريبا 70 درهم فل

السلبيات:
للامانة انا ما جربت السيارة غير نص ساعة فيمكن ما لاحظت سلبيات غير اشياء بسيطة (اسألوا Crower هو استعملها تقريبا ساعتين)
- غيار الاربع سرعات لازم يغيرونه بصراحة ما ينفع
- فيها صوت هواء بعد 120
بصراحة هذا اللي شفته
ويمكن فيها عيوب عالمدى الطويل بس ما اقدر احكم

بصراحة رأيي الشخصي انها سيارة تستاهل وزيادة وهولدن ابدعوا فيها
صح اني ما كنت مقتنع وايد فالكابرس قبل بس الحين افكر بجد اشتريه
تقييمي 9 من
10

بايسن كلك حركات اذا ما عدلت ملافضك واسلوبك مع الادارة سيتم طردك من المنتدى ( مع تحيات مديرالمنتدى * الــــذيــــب * )

مشالله عليك عودتنى على مواظيعك الحلوه ومن هذا وارقى انشألله وتقبل مروري تحياتي لك ....

مشكور يا فوق مستواك شكرا لك على الرد الرائع والله انك فرحتني

السلام عليكم و رحمة الله و بركاته ..

و مساكم الله بالخير ان شاء الله

أحييكم و أهنئكم بالمنتدى الرائع للكوابريس أولا و لهذا السبب تم تسجيلي بهذا المنتدى لعشقي لهذه السيارة ..

و حاب اعرفكم على نفسي ( حسن من مكة المكرمة ) و أنا أمتلك كابريس 2008 LTZ بمواصفااتي الخاصة و هو 6 سلندر و قريبا راح أطرح لكم موضوع عن الLS و LTZ لقرابة المواصفات بينهم رغم انه فرق بينهم في كثير من المواصفات لكن مو بذاك الفرق الشاسع ..

و حبيت أشيد بموضوع الاخ ( بايسن ) و هو صحيح بنسبة 90 % في كلامه لاني سألت و كنت بأمتلك SS لكن عيوبه و قلة جودته خلتني افضل الــ LTZ ..

موفقين ان شاء الله في منتداكم و ان شاء الله اكون عند حسن ضنكم كلكم ..

ماشالله الكااابريس وحش ماعليه كلام ....

انا عندي 2001 ال تي زد .... ولازال ينبض بالرعب وارعاب السيارات خااصة النيسان ههههههههههههه يعطيك العافية على التقرير

سياره خايسه من جد انا مجرب كابريس رويال 2010 مخيس مثل المنتدى هاذا


مع تحيات المدير الجديد ((( نايك الذيب))

يعطيك العافية ع الموضوع